Ne koristite ga samo u rerni: Deset genijalnih trikova sa papirom za pečenje

08.01.2026. | 21:16

Papir za pečenje možete pametno da iskoristite za mnoge stvari i da vam olakša život dok radite različite poslove po kući.

Vjerovatno ste do sada papir za pečenje koristili samo za spremanje hrane, ali on može da vam olakša većinu poslova

Papir za pečenje može vam olakšati život i eliminisati sitne smetnje koje često niko ne zna kako da popravi!

10 novih načina da pametno iskoristite papir za pečenje

Uglancajte česme

Papirom za pečenje uglancajte česme da dobiju sjaj! Glancanjem, papir će ukloniti fleke od vode, a vosak sa papira će česme, na neko vrijeme, zaštititi i od nastanka novih fleka.

Obložite police

Postavite papir za pečenje na najviše police u kuhinji gdje se skuplja prašina i lijepi masnoća od kuvanja. Na par mjeseci ih zamijenite i iznenadićete se koliko će prljavštine ostati na njima. Ovaj papir možete iskoristiti i za oblaganje fioka i unutrašnjih polica u kuhinjskim ormarićima.

Očistite pod

Papir za pečenje postavite kao krpu za brisanje poda i obrišite pod na uobičajen način. Pokupićete svu prljavštinu sa poda i uglancati ga voskom sa papira.

Očistite peglu

Ako vam se pegla ulijepila, uradite sljedeće: na papir za pečenje pospite so i kada se pegla ugrije do maksimuma, lagano trljajte dok se ne skine sva prljavština.

Sačuvajte otvarač za konzerve

Papir za pečenje obložen je voskom koji će se prenijeti na sječivo otvarača i tako će ga očistiti ako je zaprljan, a dodatno će ga obložiti i na taj način sačuvati od rđe i “podmazati” za otvaranje bez muke.

Spriječite škripu vrata

Vrata koja škripe jer zapinju prilikom zatvaranja i otvaranja istrljajte papirom za pečenje i riješite se neprijatnog zvuka. Vosak sa papira će obložiti ivice i vrata će se lakše zatvarati i otvarati.

Sačuvajte baštenski alat

Nakon korišćenja, baštenski alat očistite ovim papirom. Osim što ćete lako skinuti ostatke zemlje, vosak sa papira će zaštititi metal od rđe.

Odglavite zaglavljen rajsferšlus

Ukoliko primijetite da rajsferšlus na jakni ili tašni zapinje na nekom mjestu, istrljajte ga papirom za pečenje i tako podmažite zupce! Biće kao nov.

Obložite police u frižideru

Pek papir je idealan za oblaganje polica i fioka čak i u frižideru. Zaštitiće police ukoliko se nešto prolije, dovoljno da ne morate da brišete cijeli frižider nego samo zamijenite papir, piše Krstarica.

Očistite metalne šipke

Da bi prstenovi na tuš zavjesi lakše klizali, šipku istrljajte papirom za pečenje i na taj način je podmažite i obrišite od prašine koja se sigurno zalijepila vremenom. Isti princip čišćenja prašine primijenite na šipke u ormarima i plakarima. Glancanjem, one će i ponovo zasijati.