Najmekše juneće meso: Čuveni perklet koji podsjeća na gulaš

22.10.2023. | 06:55

Obavezno isprobajte recept za perklet od junećeg mesa – čuveno mađarsko jelo koje podsjeća na gulaš.

Sastojci:

1 kg junećeg mesa

4 crna luka

3 čena bijelog luka

1 mrkva

2 štapića celera

1 ljuta paprika

150 g slanine

250 ml paradajz sosa

3 kasičice tucane paprike

1 l crvenog vina

lovorov list

Priprema:

Juneće meso isjecite na kockice, a slaninu sitno isjeckajte. Zatim u dubokoj šerpi istopite malo putera, pa propržite juneće meso i slaninu. Izvadite iz šerpe, a ako je potrebno dodajte još malo putera. Kada se istopi dodajte sitno sjeckani crni luk, pa pržite dok ne omeška, a onda dodajte i sitno sjeckanu mrkvu, ljutu papriku, celer, kao i mljeveni bijeli luk. Pržite dok povrće ne omekša, a onda sipajte vino i paradajz sos, pa vratite juneće meso i slaninu. Stavite lovorov list, pospite tucanom paprikom, pa posolite i pobiberite. Začinite još ako je potrebno, pa poklopite i krčkajte perkelt minimum dva sata. Povremeno promiješajte, a što se perkelt duže kuva to je ukusniji.