Danas ne brojimo kalorije: Uživajmo u pilećem burgeru

24.08.2023. | 07:00

Opustite se i uživajte danas u pilećem burgeru. Po receptu koji vam donosimo vidjećete da spremanje nije komplikovano i dugo, a opet je neodoljiv toliko da “ne brojimo” kalorije.

Sastojci:

1 tegla kiselih krastavaca

Pileća prsa

150 ml mlijeka

2 kašike limunovog soka

1 šoljica brašna

Umak po želji

Povrće

Pecivo

Ulje, so, biber

Priprema:

Pileća prsa narežite na željene komade, da stanu u obim peciva.

Začinite ih sa malo soli I bibera, pa ubacite u vrećicu sa zatvaračem.

U istu vrećicu dodajte sok u kojem stoje kiseli krastavci.

Zatvorite vrećicu i ostavite sat vremena u frižider. Mlijeko i limunov sok pomiješajte, piletinu izvadite iz vrećice. U posudici pomiješajte brašno i biber.

Dodajte tri kašike mlijeka s limunovim sokom i prstima izradite smjesu. Umočite piletinu u mlijeko i limunov sok, a zatim u brašno. Komadi mesa neka u potpunosti budu prekriveni brašnom. Pržite u ulju dok ne poprimi zlatnu boju.

Pecivo tostirajte, premažite umakom, dodajte piletinu, kisele krastavce i ostalo povrće, preklopite i uživajte.