Zovem se Kristijano: “Mesi, oprosti mojoj majci, nije znala šta čini” FOTO

Zanimljiva scena dogodila se pred kampom argentinske reprezentacije nakon utakmice sa Urugvajom (3:0). Naime, 11-godišnji dječak dočekao je Lionela Mesija sa genijalnim transparentom.

“Mesi, oprosti mojoj majci, nije znala šta čini, zovem se Kristijano pisalo je na transparentu.
Majka mu je dala ime po Kristijanu Ronaldu, a dječak je u međuvremenu izrastao u velikog navijača njegovog najvećeg rivala Lionela Mesija, pa se došao izviniti Argentincu.
“Želio bih ga vidjeti i izviniti mu se u svoje i u ime moje majke, nije znala što čini”, rekao je dječak za argentinske medije.
Inače, Mesi i društvo će u četvrtak odigrati još jednu utakmicu u okviru južnoameričkih kvalifikacija za Mundijal u Kataru, a protivnik je selekcija Perua.

Ostavite komentar: