“Rat” između navijača Fiorentine i Dušana Vlahovića ne jenjava: Ne prilazi nam poslije utakmice

29.10.2021. | 12:22

Rat između navijača Fiorentine i Dušana Vlahovića se nastavlja.

Naime, italijanski mediji objavili su poruku navijača “viole” upućenu srpskom fudbaleru da im ne prilazi poslije utakmica.

Prema navodima “Republike”, pristalice Fiorentine su na taj način izrazile protest protiv Vlahovića sa kojim su ušli u sukob na nedavnom gostovanju Veneciji.

Tada je poslije poraza rezultatom 1:0 došlo do uvreda sa tribine, na koje napadač nije ostao imun.

Sve je izazvano Vlahovićevom odlukom da ne produži ugovor, iako je na stolu bila ponuda kojom bi postao najplaćeniji igrač u istoriji kluba.

U srijedu uveče je Fiorentina upisala drugi vezani poraz na gostovanjima, jer je u Rimu izgubila od Lacija rezultatom 1:0.

Vlahović je poslije meča odmah otišao put svlačionice i nije prilazio tribini sa navijačima tima iz Firence.