Bura na Tviteru nakon što je Breskvici izmakla pobjeda: “Ramonda je ipak teška depresija” FOTO
03.03.2024. | 13:20Anđela Ignjatović Breskvica sa pjesmom “Gnijezdo orlovo” važila je za velikog favorita, a iako su joj mnogi predviđali pobjedu ona je završila na drugom mjestu.
Pobjedu je odnijela Teja Dora sa pjesmom “Ramonda” sa kojom će Srbiju predstavljati u Malmeu u Švedskoj.
Kako je Breskvica dobila najviše glasova publike, a Teja Dora najviše glasova od strane stručnog žirija, na Tviteru se nižu komentari o finalnoj večeri, prenosi Blic.
“Ovaj narod nije normalan. Shvatite da vise od pola naroda koji glasa za svog favorita nije kompetentan ocjeni šta je kvalitetna numera, naravno da Marija Šerifović zna bolje i od mene i od tebe. Ovi fanatici prelaze sve granice razuma”, jedan je od komentara.
“Mislim da je energija Teje Dore, koju inače obožavam, i energija Breskvice neuporediva. Ipak je trenutak takav da nam treba dizanje i prestrojavanje, ono malo ponosa što se negdje krije. Tejina Ramonda je ipak teška depresija, a toga imamo na pretek. Nema veze, hit je hit”, pišu na društvenoj mreži.
