Ubjedljivo najbolja domaća pogača: Ne mijesi se, ne čeka, a tako je ukusna

03.01.2026. | 18:20

Ovo je ubjedljivo najbolja domaća pogača – ne mijesi se, nema kvasca i čekanja, gotova je začas dok u cijeloj kući predivno miriše.

Kada jednom napravite ovu pogaču, i vidite kako se lako, brzo i jednostavno pravi, više nećete ni pomisliti na hljeb. Mekana je kao pjena, iako nema kvasac, i dalje tradicionalnog ukusa, samo po mnogo bržem receptu.

Idealno rješenje za sve one koji su ljubitelji pogače, a nemaju baš puno vremena za boravak u kuhinji i čekanje da tijesto naraste. Znate i sami da je tijesto najbolje kada je vruće, zato pratite recept i uživajte u lakoj i brzoj pripremi.

Potrebno je:

– 400 gr brašna

– 50 ml kisele vode

– 1 prašak za pecivo

– malo sode bikarbone

– 200 ml jogurta

– so

– 3 kašike maslinovog ulja

Priprema:

U vanglu sipati brašno i prašak za pecivo, vodu, ulje, jogurt, so i zamijesiti tijesto varjačom. Istresti na sto i razviti oklagijom pogaču, debljine prsta, i malo probosti viljuškom na par mjesta. Odmah staviti u vruću rernu na 220 stepeni C i peći oko 35 minuta da pogača porumeni, prenosi Krstarica