“Smućkajte očas posla”: Keks torta sa pudingom

23.10.2023. | 06:55

Kada vam se prijede nešto slatko, “smućkajte” očas posla keks-tortu sa pudingom. Mogu je spremati i početnici u kuhinji, tako da vam ne treba nikakvo predznanje, a ni rerna.

Sastojci:

500g keksa (jedna kutija)

litar mlijeka

2 kesice pudinga po želji

125g putera

par kašika šećera po želji

Za glazuru:

100g čokolade

2-3 kašike ulja

Priprema:

Kesice pudinga razmutite u malo toplog mlijeka koji ste odvojili, a ostatak mlijeka zakuvajte sa šećerom. Dodajte razmućeni puding i miješajte dok se ne skuva. Potom, umiješajte puter i promiješajte do jedinstvene smjese. Možete dodati i oko 100 grama otopljene čokolade.

Keks slažite u pleh ili kalup, pa dodajte toplu smjesu. Zatim slažite drugi red keksa, pa smjesu, pa tako dok ne utrošite. Keks treba da ostane na vrhu.

Glazuru napravite tako što ćete čokoladu otopiti s malo ulja. Promiješajte i mlakom glazurom zalijte kolač, pa ostavite da se ohladi.