Poslastica koja će se svima svidjeti: Kolač sa marmeladom od jagoda

13.07.2023. | 07:00

Donosimo vam prijedlog za desert, poslastica koja će se svima svidjeti.

SASTOJCI:

• 2 jajeta
• 100 g šećera
• 1 vanilin šećer
• 50 ml ulja
• 110 g kisele pavlake
• 200 g brašna
• pola praška za pecivo
• 100 g marmelade od jagoda
• kandirane trešnje
• šećer u prahu

PRIPREMA:

U sud sipajte jaja, šećer i vanilin šećer. Mikserom umutite, pa dodajte ulje i kiselu pavlaku. Još malo umutite mikserom prije nego što dodate sjedinjeno i prosijano brašno i prašak za pecivo. Mikserom umutite da nema grumuljica. Smjesu sipajte u pekač 20×20 cm ili približne veličine. Sipajte na devet mjesta po kašičicu marmelade od jagoda. Malo nožem promiješajte, pa stavite po kandiranu trešnju. Pecite u rerni zagrijanoj na 180 stepeni oko 30 minuta. Ostavite da se ohladi, pa u svako mjesto gdje je bila kandirana trešnja, koja je prilikom pečenja utonula do polovine tijesta, stavite polovinu kandirane trešnje.