Bolje od musake: Sočni krompir sa lukom

18.09.2023. | 07:00

Ukoliko volite pečeni krompir iz rerne, donosimo vam jedan novi recept od rendanog krompira koji je prevazišao i musaku. Priprema se jednostavno i mogu ga praviti potpuni početnici, a ukus je nevjerovatan.

Sastojci:

3 glavice crvenog  luka

800 g krompira

2 šake parmezana

2 jaja

maslinovo ulje i so

Priprema:

Isjeckajte na sitno luk, pa ga propržite na malo maslinovog ulja  na srednjoj vatri. Kada izdinstate luk, oljuštite i izrendajte krompir na krupnije. U činiji pomiješajte krompir, luk, jaja, parmezan i so. Sve dobro izmiješajte u jedinstvenu smjesu.

Vatrostalnu posudu podmažite maslinovim uljem, pa sipajte smjesu ujednačeno. Pecite na 180 stepeni oko 50 minuta. Servirajte dok je još toplo uz salatu i mladi sir.