VIDEO – Usred meča igrači samo popadali po terenu, od straha nisu htjeli ustati

23.12.2019. | 14:49

Utakmicu u Dar-es-Salaamu, glavnom gradu Tanzanije, prekinuli su neobični uljezi, a snimka se počela širiti društvenim mrežama.

Na video-snimku se vidi kako su igrači, naizgled bez ikakvog razloga, samo odjednom legli na teren i odbijali se pomaknuti.

Naime, na teren je uletio veliki roj pčela pa su se igrači Jang Africansa i Iringe Junajteda složno bacili na zemlju kako bi se zaštitili od napadača. Neki su navijači takođe pobjegli s tribina kako bi izbjegli bolne ubode.

Napad se dogodio u 52. minuti utakmice i trebalo je desetak minuta da se meč nastavi.

Kako prenosi Index.hr, najgore je prošao golman Ally Sonso, kojeg su pčele toliko izbole da je morao potražiti ljekarsku pomoć.