U Floridi uhvaćen rekordni piton od 104 kilograma VIDEO

09.10.2020. | 23:13

Samoprozvani zmijoholičari Rajan Ausburn i Kevin Pavlidis ušli su u trag burmanskom pitonu dugačkom 5,7 metara, postavljajući novi rekord u Floridi u odnosu na prethodni koji je postavila zmija koja je bila kraća za samo nekoliko centimetara.

Članovi organizacije Florida Fish and Python Action Team pronašli su ženku zmije kako se provlači kroz močvarnu regiju Everglades i snimili gmizavca 2. oktobra nešto prije ponoći.

Napor da se zmija izvuče iz “vode do pojasa” uzeo je “svaku trunku snage”, rekli su.

“Nikad nisam vidio zmiju nigdje u blizini ove veličine i ruke su mi se tresle dok sam joj se približavao”, napisao je Pavlidis na Fejsbuku. “Svaki piton kojeg ulovimo može biti potencijalno opasan, ali jedan ove veličine? Smrtonosan. Jedna greška i sigurno idem u bolnicu.”

“Ali što je još važnije, ovo je zmija koja je viđa jednom u životu. Mogao bih do kraja svog života izlaziti svake noći i nikada više ne bih vidio ovako veliku”, rekao je stručnjak za zmije, koji tvrdi da je u samo dvije godine vidio više od 400 zmija. Međutim, ništa se nije približilo “zvijeri” od 104 kilograma koju su pronašli prošlog nedjelje.

https://www.facebook.com/permalink.php?story_fbid=1793818154107502&id=100004380046680

 

Zmija je bila djelimično izvan vode kad su joj se Pavlidis i Ausburn približili, prenosi Nju Jork Post. Ausburn kaže kako je znao da je zmija velika, no tek kad su joj se približila shvatili su koliko.

“Možda ne izgleda tako, ali bila je to apsolutna bitka”, napisao je Ausburn.

Zmija je službeno izmjerena za evidenciju rekorda 8. oktobra, izvijestio je CBS Majami, a agencija Florida Water Management District koja se bavi nadgledanjem pitona u Evergladesu potvrdila je kako je to najveći primjerak koji su vidjeli. Od 2017. godine plaćaju lovcima da im pomognu ukloniti pitone, a otad uklonili su više od 5000 primjeraka te invazivne vrste u Evergladesu.

“Uklanjanje ove ženke pitona trijumf je za naše izvorne divlje životinje i stanište te sjajan primjer partnerstva između naša dva programa koja rade na cilju uklanjanja nenativnih pitona”, napisali su iz Vijeća za zaštitu riba i divljači u Floridi, prenosi ‘Index.hr’.