Najstarija granica Evrope: Kako Portugalija i Španija dijele istoriju i običaje
18.01.2026. | 12:40Bogata istorija regiona iznedrila je zajednički portugalsko-španski kulturni identitet, u kojem gradovi sa obe strane Pruge dijele jezik, rijeke i zanimljive običaje.
Granica Portugalije sa Španijom, poznata kao “Pruga”, jedna je od najstarijih na svijetu. Uspostavljena je Sporazumom u Alkanjisesu 1297. godine, a ostala je skoro potpuno nepromijenjena do dana današnjeg.
Jedan od rijetkih izuzetaka je grad Olivensa. Dodeljen je Portugaliji 1297. godine, ali ga je Španija zauzela 1801. Iako je i danas pod španskom kontrolom, Portugalija se nikada nije odrekla svog prava na taj grad.
U poređenju sa stalno promjenljivom istorijom Evrope tokom vijekova, ova granica predstavlja izuzetan simbol stabilnosti i kontinuiteta.
Raja – najduža granica u EU
Granica između dvije mediteranske zemlje, poznata kao Raja, najduža je granica u Evropskoj uniji i proteže se na više od 1.200 kilometara. Kreće od ušća rijeke Minjo kod A Gvarde u regionu Pontevedra, a završava se kod ušća rijeke Gvadijane, u provinciji Uelva.
Porijeklo Raje seže do osnivanja Kraljevine Portugalije u dvanaestom vijeku, što je čini najstarijom granicom u Evropskoj uniji.
To je mnogo više od linije ucrtane na mapi, ovo pogranično područje oblikovano je bitkama, sporazumima, sukobima i savezima. Bogata istorija regiona iznedrila je zajednički portugalsko-španski kulturni identitet, u kojem gradovi sa obe strane Pruge dijele jezik, rijeke i zanimljive običaje.
Kada je riječ o kuhinji, ovde se podrazumijeva da ćete probati bakalar ili morske školjke, pirinač iz Zamore, meso divlje svinje i svinjske kariljerase. Za one sa jačim apetitom, nema boljeg dodatka od kozica ili brancina na žaru iz Algarvea.
Raja je fascinantan region koga odlikuju mnoge prirodne ljepote.
U sjevernom delu se nalazi i impozantna katedrala u mjestu Tuj, a preko granice tvrđava Valensa sa koje se pruža spektakularni pogled na rijeku Minjo.
Područje krase i mnogi dvorci. U centralnom delu Raje nalazi se opasani grad Sijudad Rodrigo u provinciji Salamanka, kao i ništa manje impresivna tvrđava Almeida u Portugaliji.
Dalje na jugu, u regionu Ekstremadura, sela Valverde del Fresna, gdje se i dalje govori dijalektom fala, i Olivensa, dom spektakularne tvrđave, održavaju staro rivalstvo sa svojim portugalskim susjedima. Oni se, pak, mogu pohvaliti slikovitim srednjovjekovnim selom Marvan i istorijskim starim gradskim jezgrom Elvaša, koji je pod zaštitom Uneska.
Među značajnim lokalitetima su park prirode Aribes del Duero, sa najkompleksnijim sistemom kanjona u Španiji, kao i Međunarodni prirodni park Taho, gdje se nalazi jedan od najvažnijih megalitskih kompleksa u Evropi, piše EUpravo zato.
