Muškarcu nije smetalo ni vrijeme ni mjesto: Harmoniku “razvukao” u plićaku FOTO

23.08.2021. | 20:01

Sa jedne plaže u Makarskoj, poznatom hrvatskom ljetovalištu, stiže nam nesvakidašnji i krajnje zabavan prizor koji je izazvao burne reakcije na društvenim mrežama.

Čini se da su se ljudi uželjeli igre, pjesme i zabave, pa koriste svaki trenutak da udru brigu na veselje… Naime, na jednoj plaži na makarskom primorju nepoznat muškarac je u more ušao ni manje ni više nego sa harmonikom u rukama, te je zasvirao za sve okupljene.

Neki su se odvažili, pa su mu prišli i zaigrali, a neki su radoznalo posmatrali ovu pomalo apsurdnu situaciju. No, jedno je sigurno – imaće dogodovštinu za pamćenje!

Fotografija, na kojoj se jasno vidi i da na plaži vlada ogromna gužva, osvanula je na popularnoj Fejsbuk stranici “Dnevna doza prosječnog Dalmatinca”, a prikupila je više od 3,5 hiljada lajkova i na stotine komentara.

I dok je nekima sve ovo bilo simpatično i smiješno, mnogi nisu blagonaklono gledali na čitavo dešavanje.

“Što se tiče harominike – svaka čast, obožavam harmoniku. Dobra ekipa i štimung nikada nije na odmet”, “Šta se može doživjeti u Hrvatskoj, to se ne može nigdje. Bogata kulturna baština”, “Ma samo veselo, kome smeta nek ostane u karantinu dvije nedjelje”, “Fale im sto i stolice za piće u moru”, samo su neki od brojnih komentara, piše Blic Žena.