Emotivan video Severine Kojić: Ništa ne boli više od patnje za djetetom

28.09.2020. | 19:37

Severina Kojić je prije deset mjeseci izgubila bitku za starateljstvo nad sinom Aleksandrom, koji je privremeno pripao ocu Milanu Popoviću.

Međutim, pjevačica ne odustaje od borbe da ga povrati, pa iako je više puta plaćala kazne zbog objavljivanja djetetovih fotografija i video snimaka na društvenim mrežama, i ovog puta je to učinila sa posebnom emotivnom porukom koju mu je javno uputila.

https://www.instagram.com/p/CFrhg_npCYu/?utm_source=ig_embed&utm_campaign=embed_video_watch_again

“Ništa ne boli više od patnje za djetetom. Tako je priroda htjela. I dala nam je snagu. Da se borimo, izdržimo. I boriću se. U toj agoniji ono što najžešće peče kao neprekidna žeravica u stomaku je nepravda, jer kao da ju niko ne čuje i ne vidi. Vjerujte, ponekad i najjače srce teško izdrži nastaviti kucati. I svaki otkucaj ostavlja jedan ožiljak. I tako 10 mjeseci. Danas je dan kad srce zastaje. Punih 10 mjeseci je od ‘privremene mjere’ kojom mi je oduzeto dijete. Ta ‘privremena mjera’ je odredila da dijete kod mene prespava dva puta mjesečno. Da ga vidim 10 sati tokom radne nedjelje i svaki drugi vikend koji počinje subotom u 10h. I tako 10 mjeseci. ‘Privremeno’. Osjećaj kao kad vaš najglasniji vrisak kao da niko ne čuje. Ili ne želi čuti. Ali sutra je novi dan”, napisala je Severina uz snimak sa sinom dok se u pozadini čuje pjesma Selin Dion.