Nova premijerka objavila sastav britanske Vlade

06.09.2022. | 22:09

Novi britanski premijer Liz Tras odabrala je svoj kabinet u kojem prvi put muškarac bijele puti neće biti ni na jednoj od četiri najvažnije ministarske funkcije.

Trasova je na mjesto ministra finansija imenovala Kvazija Kvartenga, čiji su roditelji došli iz Gane 1960-tih. On je prvi ministar finansija crne puti u britanskoj Vladi.

DŽejms Kleverli je prvi crnac na mjestu ministra spoljnih poslova.

Kleverli, čija je majka iz Sijera Leona i čiji je otac bijele puti, ranije je govorio kako je u školi maltretiran kao dijete mješovite rase, kao i da stranka mora da učini više da privuče tamnopute glasače.

Suela Brejverman, čiji su roditelji došli u Britaniju iz Kenije i Mauricijusa prije 60 godina, naslijedila je Priti Patel na mjestu ministra unutrašnjih poslova gdje će biti zadužena za rad policije i za imigracije.

Ben Volas ostaće na mjestu ministra odbrane.