Maser seksualno napastvovao žene: Žrtve “osramoćene, zbunjene i ljute”

Kalem Urkuhart, maser iz Bristola sa prebivalištem u škotskom Arbroatu, osuđen je na tri godine zatvora zbog seksualnog napada na četiri žene.

Prema presudi, on je seksualne napade na žene izvršio tokom usluga masaže dok su bile gole.

“Nijedna od ovih žena nije pristala ni na šta osim na konvencionalnu masažu i u svakom slučaju bile su ranjive i izložene. Iskoristili ste situaciju za svoje seksualno zadovoljstvo”, rekla je tokom izricanja presude sudija Anđela Moris.

Tužilac Rob Veling rekao je da Urkuhart nije bio profesionalno obučen za pružanje masaže, te da je ove usluge pružao u domovima klijenata i svom domu.

Dodao je da su žrtve “osramoćene, zbunjene i ljute” zbog njegovih seksualnih napada.

Potom je opisao kako je došlo do prvog napada u kući žrtve.

“Bila je potpuno gola i on je stavio peškire na intimne dijelove njenog tijela. potom bi optuženi dizao te peškire i dodirivao je u više navrata po preponama”, rekao je Veling.

Dodao je da je optuženi takođe “trljao svoje prepone od ruku žrtve”.

“Ona je sve više paničila kako bi masaža odmicala sve do momenta kada je očajnički poželjela samo ‘da ga se riješi’ i pisala je svojoj sestri i partneru”, dodao je tužilac.

Jedna od žrtava, čije ime nije navedeno zbog njene zaštite, rekla je da je napad izazvao veliku emocionalnu i psihološku traumu.

“Još uvijek imam te scene pred očima. Osjećala sam se posramljeno”, ispričala je ona, prenosi “Daily Mail”.

Ostavite komentar: