Makron poslao jasnu poruku: Učinićemo sve da oslobodimo taoce koje drži Hamas

13.10.2023. | 07:07

Francuski predsjednik Emanuel Makron poručio je večeras da će Pariz učiniti sve što je moguće da osigura oslobođenje više desetina talaca koje drži palestinska militantna organizacija Hamas nakon napada na Izrael.

“Želim da kažem da ćemo učiniti sve kako bi osigurali da ovi taoci, bez obzira na nacionalnost, budu oslobođeni”, naglasio je Makron u televizijskom obraćanju.

Prema njegovim riječima, Francuska će na tome raditi sa svojim partnerima i izraelskim vlastima.

Francuski predsjednik je istakao da je potvrđeno da je najmanje 13 francuskih državljana ubijeno u napadu Hamasa, ali da se još 17 djece i odraslih vode kao nestali i da su, bez sumnje, neki od njih u zarobljeništvu.