Zbog povrede kuka: Muzeti otkazao Majami
19.03.2026. | 18:49Italijanski teniser Lorenco Muzeti povukao se sa Mastersa u Majamiju zbog povrede kuka, koja ga muči još od Australijan opena.
Muzeti je početkom godine bio primoran da preda meč četvrtfinala u Melburnu, iako je imao prednost od 2:0 u setovima protiv Novaka Đokovića.
Nakon toga se vratio na teren u Indijan Velsu, ali je poražen već u drugom kolu od Martona Fučoviča.
Jasno je da peti teniser svijeta još uvijek nije u potpunosti spreman, zbog čega je odlučio da napravi pauzu i fokus prebaci na oporavak.
Njegov naredni planirani nastup je Masters u Monte Karlu (5–12. april), gdje će pokušati da ponovi prošlogodišnji uspjeh, kada je stigao do finala.
Pred Musetijem je važan dio sezone na šljaci, tokom kojeg brani veliki broj bodova, pa će njegov zdravstveni bilten u narednim nedjeljama biti pod posebnom pažnjom.
