Njemačka u polufinalu Dejvis kupa

30.11.2021. | 22:53

Teniska reprezentacija Njemačke plasirala se u polufinale Dejvis kupa, prvo još od 2007. godine.

Izabranici Mihaela Kolmana savladali su Veliku Britaniju u Insbruku rezultatom 2-1 u pobjedama.

Ključni poen donio je dubl Kevin Kravic/Tim Puc, koji je pobijedio Džona Salizburija i Nila Skupskog poslije dva seta i dva taj-brejka, 7:6(10), 7:6(5).

Oba seta bila su izuzetno neizvjesna, naročito prvi, koji je pripao Nijemcima sa 12:10. Imali su četiri set lopte Britanci, ali uzalud.

Neobičan je bio i drugi taj-brejk, u kojem su Britanci imali 5:0, ali su se Nijemci volšebno vratili, vezali sedam poena i slavili.

Ranije danas, Evans je savladao Gojovčika, a Štruf Norija.

U polufinalu Njemačka će igrati protiv boljeg iz duela Rusija – Švedska.