Branio navijače: Argentinski golman nasrnuo na policiju VIDEO
22.11.2023. | 08:21Haos na tribinama Marakane prethodio je superderbiju Brazila i Argentine (0:1) u kvalifikacijama za Svjetsko prvenstvo 2026 i odgodio ga je.
Lionel Mesi povukao je ekipu sa terena ogorčen time što je brazilska policija na tribinama stadiona u Riju jurišala na brojne argentinske navijače i pendrečila ih.
Ali, nisu se argentinski igrači sa travnjaka povukli bez borbe.
Emi Martinez isn’t happy with how the police handled the situation pic.twitter.com/bxg8J80HZ2
— Leo Messi 🔟 Fan Club (@WeAreMessi) November 22, 2023
Kamere su zabilježile kako je Еmilijano Martinez, golman Argentine i junak osvajanja svjetskog naslova prošle godine, navijače branio tako što se zaletio na ogradu na ivici tribina te šakom udario brazilskog policajca koji je tukao navijače Argentine.
Popularni Dibu, inače zvanično najbolji golman svijeta, ionako je obožavan u domovini zbog svog divljeg temperamenta, a nakon ovog poteza legenda o njemu će se samo povećati.
