Djevojka uhapšena za ubistvo Tota šokirala javnost: Smijala se pred sudom

15.04.2022. | 07:56

Snimak ubistva hrvatskog rukometaša Denisa Tota ispred noćnog kluba “Privilege” u Skoplju, na kojem se vidi kako nesrećnog i onesvešćenog mladića po glavi gazi devojka koja je krvnički kidisala na njega, šokirao je čitavu javnost bivše Jugoslavije.

Izvor Jutarnjeg navodi da je policija bila šokirana ponašanjem devojke, za koju je utvrđeno da je u pitanju Klementina Levkovska, koja ima 19 godina.

Ona je navodno i bila povod za brutalno premlaćivanje Denisa Tota, koji je podlegao povredama u bolnici nakon što je prebijen ispred noćnog kluba.

“Smijala se kao da nije normalna. Samo se smijala, kao da smo je priveli zbog krađe litre mastike u prodavnici, a ne za nasilnu smrt”, prepričao je za Jutarnji izvor upoznat s tokom istrage ubistva igrača skopskog RK Butel, prenosi Blic.

Isti izvor navodi i da je ova djevojka sa 14 godina bila na liječenju u psihijatrijskoj ustanovi zbog psihopatskog poremećaja ličnosti.

“Ona je još kao 14-godišnje dijete bila u tretmanu zbog psihopatskog poremećaja ličnosti, bila je na liječenju u psihijatrijskim ustanovama. Bila je i u tretmanu socijalnih službi, jer je bježala od kuće zbog konzumiranja droge. Nakon što je rodila dijete, koje sada ima godinu i po, i socijalna služba se bavila njenim slučajem zbog zanemarivanja djeteta”, navodi izvor Jutarnjeg.