Vesna Đogani: „Nudili su mi mnogo para, ali sam odbila“

26.11.2023. | 19:24

Pjevačica Vesna Đogani vratila se sa nastupa u inostranstvu koji, kako je rekla, nije bio planiran.

„Bilo je odlično, mi smo uletjeli jer je Bobanu Rajoviću umrla mama. Nismo imali puno vremena za reklamu, ali je bio ipak pun klub“, rekla je ona za „Blic“.

Budući da je Vesna veoma aktivna i na društvenim mrežama gdje objavljuje svoje zanimljive snimke i reklamira razne proizvode, otkrila je da li je nekada reklamirala neki proizvod koji nije probala.

„Jako sam birala šta ću da reklamiram, odbila sam sve kladionice koje su mi nudile ogroman novac. S obzirom na to da sam roditelj i da vodim zdrav život, to mi nije bio prioritet. Nudili su mi mnogo para, ali rekla sam ne. Nije mi bilo teško da odbijem, nije bilo sekunde razmišljanja, imam ja dovoljno. Ako do sad nisam stekla, onda stvarno… Bilo bi stvarno bezobrazno da tako nešto uradim“, iskrena je Vesna.

Priznaje i u kojim trenucima koristi protekcije koje ima kao javna ličnost.

„Protekcije samo koristim u dobrim momentima. Đoletu nekada progleda i policija kroz prste. Ja ne vozim, ali kad on napravi neki belaj, ja budem šarmantna. Naravno, ako je veliki prekršaj, onda ništa“, priča ona.

Na kraju je priznala i ko je za nju najbolji frajer na našoj estradi.

„Đole Đogani. Apsolutno. 63 godine, a vidi kako izgleda Alooo, gospodin čovjek“, zaključila je Vesna za pomenuti medij.