“Uvijek ga je čekala da dođe iz kafane” Seka o nepoznatim detaljima iz braka Milene Dravić i Dragana Nikolića

24.08.2025. | 08:12

Legendarna glumica Jelisaveta Seka Sablić prisjetila se velikog prijateljstva sa Milenom Dravić i Draganom Nikolićem, sa kojima je godinama provodila ljeta u Rosama, gdje su imali kuće jedni blizu drugih.

Kako ističe, druženja su bila česta, a posebno pamti Mileninu toplinu, gostoprimstvo i posvećenost porodici.

Bila je divna kuvarica i domaćica, često je pravila ručkove i bila je jako privržena kući. Na primjer, dođemo mi na ručak i onda čekamo Gagu da dođe iz kafane gdje je sa društvom. Uvijek je čekala, i bila je dobra – rekla je Seka, pa nastavila:

I ja sam pravila ručkove, mi smo uvijek imali ribu. Sjećam se jednom je počela panika za parking i ona nije došla gore jer je Gagi sve vrijeme čuvala parking, sjedjela je tamo. E to je Milena bila – prisjetila se glumica.

Govoreći o sebi, Seka je uz osmijeh priznala da se kasno pronašla u ulozi domaćice.

Ja sam tek kasno postala domaćica, dobro je moj sin preživio pored mene. Sjećam se kada sam u 50 godina mami rekla: “Što mi nisi rekla da se supa soli na kraju da mi ne bude tvrdo juneće meso?”. Kaže ona: “Polako Seko, imaš vremena, naučićeš” – ispričala je Seka u razgovoru za RTCG, a prenosi Telegraf.