Suzana Mančić otkrila koliku penziju prima: “Strašno je samo kada nemaš za lijek”

15.06.2026. | 13:55

Najpoznatija “Loto djevojka” na ovim prostorima, Suzana Mančić, ima iza sebe bogatu medijsku karijeru dugu više od 50 godina, a nedavno je potpuno otvoreno progovorila o svojim primanjima i iznenadila javnost priznavši koliko iznosi njena penzija.

Iako je javnost često intrigirao njen životni stil, Suzana Mančić ističe da je u životu imala različite finansijske faze i da nije strašno ostati bez novca, osim kada su u pitanju egzistencijalne stvari.

– Nekad imaš novca pa sebi priuštiš nešto što želiš, ali i nemati nije strašno. Strašno je kad nemaš za lijek, za neke osnovne stvari, ali hvala Bogu, penzija stiže – izjavila je Suzana.

“Žive ljudi od tolike penzije”

Ona se osvrnula i na nedavnu medijsku pompu koja je nastala kada je slučajno otkrila tačan iznos primanja koje dobija mjesečno.

– Nekom sam se izlanula kolika mi je penzija, onda su portali gorjeli kao „skandalozno kolika je penzija Suzane Mančić, 53.000“. Pa dobro, za ne daj Bože, žive ljudi od tolike penzije – objasnila je voditeljka.

Poslije više od pola vijeka rada, Mančićeva ne krije da je ponosna na imetak koji je stekla, a ključ njenog uspjeha bio je u pametnom i racionalnom raspolaganju zarađenim novcem.

– Imala sam racionalni i štedljivi momenat, da ne kažem piroćanski. Pola sam trošila, pola stavljala sa strane, tako da sam u životu uglavnom sticala – iskrena je bila Suzana.

Na kraju, legendarna loto djevojka je zaključila da se sa ovom sumom novca ipak može preživjeti, ali uz jedan važan uslov.

– Od te penzije može da se živi, pogotovo kad radiš još nešto sa strane – jasna je bila voditeljka, prenosi Grandonline.