Pjevačica razvija biznis: Viki Miljković otvara firmu u Njemačkoj

01.12.2023. | 09:03

Viki je odlučila da maksimalno razvije svoj biznis sa nekretninama, pa je tako ugovorila poslove i u Njemačkoj.

Viki Miljković, pored primarnog posla kojim se bavi, pjevanja, razvila je i biznis sa nekretninama.

Kako se nedavno saznalo, osim u Beogradu, Violeta posluje i u Turskoj i Dubaiju, ali tu se nije zaustavila. Ona je svoj biznis započela i u Njemačkoj.

“Viki je ugovorila neke poslove rekonstrukcije i opremanja kuća i stanova naših ljudi koji tamo žive. Radi punom parom. Sve njoj to prija. Posao s nekretninama joj baš leži. Snalazi se odlično, s majstorima se razume, a Taške samo nadgleda radove i kontroliše da projekat bude urađen po dogovoru. Turska im je postala mala, pa se šire i do Nemačke. Ugovorila je nekoliko projekata i sada uveliko radi na njima”,  priča njen bliski saradnik upućen u život i rad Miljkovićeve.

Pjevačica je nedavno istakla da više ne gleda šta joj je isplativije, već da radi ono što voli i uživa u tome.

“Ne gledam šta je isplativije, odavno sam prestala tako, kad god sam jurila pare, nikad ih nisam stigla. Kad sam se prepustila onome u čemu uživam i dala svoj maksimum, tada je sve došlo na svoje”,  rekla je ona, prenosi “Informer”.