Jelena Radanović otvoreno govorila o razvodu: Samo ustaneš ujutru i tako odlučiš

21.05.2026. | 13:32

Supruga folk pjevača Slobe Radanovića, Jelena Radanović, otvoreno je ranije govorila o razvodu i krahu prvog braka i objasnila da to iskustvo, iako loše, ne mora nužno da ostavi traumu na čovjeka.

Naime, Jelena Radanović je nedavno na svom Instagram profilu komunicirala sa pratiocima i odgovarala na njihova pitanja, te je iskoristila priliku da objasni kako se lično izborila sa ovim iskustvom i kako je teške trenutke ostavila iza sebe.

– Razvod je u svakom slučaju loše iskustvo, bez obzira na okolnosti, ali ne mora da bude trauma. Samo ga šutnemo tamo u prošlost. Bez “jadna ja”. Imala sam milion loših životnih okolnosti, ali sada imam nula trauma. Samo ustaneš ujutru i tako odlučiš. Dobro jutro, ja sam srećna – napisala je Jelena u svom odgovoru.

Jelena inače nerijetko sa svojim pratiocima dijeli fotografije i snimke iz svog i Slobinog privatnog života, a na mrežama redovno dijeli slike na kojima su svi porodično u zagrljaju. Prilikom odgovaranja na pitanja na Instagramu, ona se dotakla i teme potomstva i istakla koliko je ispunjava majčinstvo:

– Naravno da bih voljela da imam još djece. Srećna sam kad sam pored djece i kad su oni u pitanju nikada mi ništa nije teško – istakla je supruga poznatog pjevača, prenosi Blic.

Sedam godina u ljubavi

Podsjetimo, nakon razvoda od Kije Kockar, Sloba Radanović je sreću pronašao kraj Jelene sa kojom ima sina Damjana, a supruga pjevača se oglasila na mrežama povodom njihove godišnjice braka.

Sloba i Jelena su proslavili sedmu godišnjicu, a ona mu se obratila snažnim riječima.