Dino Merlin objavio novu pjesmu: Jedni su oduševljeni, dok drugi nalaze mane FOTO
19.04.2025. | 18:55Jedna od najvećih regionalnih zvezda Dino Merlin izbacio je juče novu pjesmu, duet sa Halidom Bešlićem pod nazivom “Godino vrela”.
Pjesma je za manje od 19 časova pregledana skoro 180.000 puta a ako je suditi po komentarima koje njegovi fanovi ostavljaju ispod videa, još jedan hit je u najavi.
Ukrštavanje dva glasa pjevača iz različitih žanrova po mnogima je pun pogodak a kako većina ističe ništa se manje od njih nije očekivalo.
Iako smo od Merlina ali i Halida navikli da budu inovativni, kreativni i drugačiji, ovaj put su Merlinu korisnici društvenih mreža našli veliku zamjerku. Naime, njegovu novu pjesmu koju je uradio sa bosanskim kolegom, neki korisnici mreže X nazivaju plagijatom odnosno kopijom čuvenog hita pevačice Kajli Minog koji ima sa Nikom Kejvom poznat kao “Where the wild roses grow”, pronašavši sličnosti u pjesmama.
Korisnik X koji se potpisuje kao Voyin podijelio je objavu, odnosno Merlinovu novu pjesmu napisavši kratko:
-Legenda je stigla.
Iako je za kratko vrijeme njegova objava prikupila dosta lajkova, među onima koji smatraju da pjevač nije koristio svoju ideju za pjesmu ima i onih kao što je jedan korisnik te mreže koji je brže bolje odgovorio na ovu objavu.
– Gdje je legenda??? Koja legenda??? Jel misliš na ovu kopiju Kajli Minog – napisao je on.
Iako se drugi tim povodom nisu oglašavali niti komentarisali, Dino Merlin je dobio pozitivnu kritiku od svoje publike na Youtube gdje je pjesma okačena.
Ostaje na publici da posluša i jednu i drugu numeru pa procijeni ima li u njima nekih sličnosti, piše Telegraf.
