Pjevačica objasnila situaciju: Edita Aradinović o intimnom snimku koji kruži na mrežama

02.02.2021. | 12:57

Već danima na društvenim mrežama kruži intiman privatni snimak, a za djevojku koja je na istom mnogi tvrde da je Edita Aradinović. Kako bi stala na put glasinama, pjevačica je bila primorana da se oglasi i objasni sve pojedinosti ovog “slučaja”.

Edita je svima jasno stavila do znanja da na pomenutom snimku nije ona, ali i da je uspjela da stigne do osobe koja je isti plasirala u javnost.

Pjevačica je se oglasila putem Instagrama i otkrila ko se nalazi na snimku.

“Nedavno se pojavio video od 20 sekundi koji par dana kruži internetom, gdje se polemiše da li sam ja na istom. Djevojka podsjeća, ali ne liči. To traje danima. U međuvremenu sam se bavila tim, i željela sam da saznam ko stoji iza tog nedjela i zašto se neko okomio na mene. Vjerujem da je to sastavni dio mog ‘posla’, što me jako smara, ali na svu sreću, uz pomoć pametnih ljudi, došli smo do osobe koja je poslala video, to sada nije bitno. Jako mi je žao što moram da pišem o ovome, ali dobijam poruke svakodnevno o videu sa kojim nemam apsolutno veze. Devojka je azijatkinja i cijeli video ima trajanje od 20 minuta… Nije lako boriti se sa ludim ljudima zadnjih dana, i godina”, napisala je Edita.