Lukas tvrdi da su mu prijetili: Zvali neki od Karleuše da će da me prebiju

22.06.2022. | 17:15

Aca Lukas ne prestaje da proziva Jelenu Karleušu.

Nakon što su se pjevač i pjevačica prepucavali preko Instagrama, on je rekao da je dobio prijetnje od “njenih” ljudi.

“Juče su me zvali neki njeni da će da me prebiju. Nisu čak zvali ni direktno na moj telefon, nego preko drugih ljudi, mojih prijatelja, da mi prenesu, ali sam se samo nasmijao. Inače se ‘bojim’ tih velikih mangupa, pa ih drage volje pozivam da dođu da me prebiju da vidim kako će to da izgleda”, rekao je Lukas za “24sedam”, dok je Karleuša demantovala njegove riječi.

“To je apsolutna neistina. Jelena nikoga nije zvala, niti tražila bilo kome da prijeti, niti je to njen manir, niti način da nekome odgovori. Svoje mišljenje je iznijela javno i tu se priča završila”, rečeno je iz Karleušinog PR tima za pomenuti medij.